Kartel seriea · 2026
Diseinatu, sortu, sentitu
Ikuslearekin lotura emozionala sortzeko hiru kartelen seriea, mezu bakar baten inguruan: diseinatu, sortu, sentitu.
- Zer da Ikasgelako ariketa · Gaitasun emozionalak
- Zer egin dut Kontzeptua, kolajea eta tipografia · 3 kartel A3 + mockup-a
- Publikoa Diseinua eta sorkuntza maite dituen edonor




Jokoa, eskua, bihotza
Diseinatu, sortu, sentitu. Hiru aditz, hiru kartel. Serieak diseinu-prozesua bera kontatzen du: erabaki bat hartzea, ideia eskuz gauzatzea eta, azkenean, beste norbaitengan zerbait mugitzea. Kartel bakoitzak printzipio emozional bat lantzen du: hiru lerroan jokoaren saretak argitasuna eta simetria, hatz seinalatzaileak gizatiartzea, eta eskuen gainean marraztutako bihotzak erakarpena.
Kolajea erabili dut: zuri-beltzeko argazkiak eta eskuz marraztutako trazu biziak nahastu ditut, eskuzko lana eta digitala elkarrizketan jartzeko. Hiru koloreko paleta laburra —horia, arrosa eta zuria— kartelen artean txandakatzen da, bakoitzak banaka bere indarra izan dezan eta, elkarrekin, serie bakar gisa irakurtzeko. Tipografian, serif fin eta etzana letra lodi eta biribilarekin konbinatu dut, mezuari ahots biko erritmoa emateko.